**::(((ملتقى الاحبه فى الله)))::**
نسعد بتواجدكم فى المنتدى ونتشرف بانضمامكم الينا


لا اله الا الله محمد رسول الله
 
الرئيسيةالاحبه فى اللهس .و .جبحـثالتسجيلدخول


شاطر | 
 

 همس القلم

اذهب الى الأسفل 
كاتب الموضوعرسالة
Tota
عضو فعال
عضو فعال
avatar

انثى
عدد الرسائل : 178
العمر : 29
تاريخ التسجيل : 04/02/2009

مُساهمةموضوع: همس القلم   6th فبراير 2009, 7:00 am




رباعيات الضاحك الباكي



أحـب اعيش ولـو أعيش فـى الغابـات
أصـحى كمـا ولـدتـنى أمـى وابـات
طـائر . . حوان . . حشرة . . بشر . . بس اعيش
محـلا الحيـاة . . حتى فى هيئـة نبـات
عـجبى !!


أحسـن مـا فيهـا العشـق والمعشـقة
وشـويتين الضـحــك والتـريقـة
شـفت الحيـاة، لفيـت، لقيـت الألـذ
تغييـرهـا، وده يعنـى التعب والشـقا
عـجبى !!


إخطـفنى ياللى تحـبنى ع الحصـان
الدنيا قالت يــوم فى مـاضى الزمان
إخطـفنى ياللى تحبنــى ع الفـرس
الدنيا قالت . . قم خطـفها الشــيطان
عـجبى !!


الأرض شـوك أيـوه لكـين هايش
والحمـرة مش يعنى الطريق حايش
دى دمنـا السـيال . وبشـرة خير
ان انتى عايشـه . وان أنا عايش
عـجبى !!


ازاى شبـابنـا يقـوم ويـاخـد دوره
من غيـر صـراخ يئذيه ويجـرح زوره
يـا هلترى أحسـن لـه يقعـد سـاكت
أو ينتـرك ولـو خـرج عـن طـوره ؟
عـجبى !!


أعـرف عيـون هى الجمـال والحسـن
واعـرف عيـون تـاخد القـلوب بالحضن
وعيون مخيفة وقـاسـية وعيـون كتيـر
وبـاحس فيهـم كـلهـم بـالحــزن
عـجبى !!


إقلـع غمـاك يـا تـور وارفض تلـف
إكسـر تـروس السـاقيـة واشـتم وتف
قال : بس خطوة كمان . . وخطوة كمان . .
يا اوصـل نهـاية السـكة يا البير يجف
عـجبى !!


أنا شـاب لـكن عمـرى ولا ألف عـام
وحيـد ولـكن بين ضـلوعـى زحـام
خـايف ولـكن خـوفـى مـنى أنـا
أخـرس ولـكن قـلبـى مـليـان كـلام
عـجبى !!



أنا كـل يـوم أسـمع . . فلان عذبوه
أسـرح فـى بغـداد والجزاير واتوه
مـا اعجبش م اللى يطيق بجسمه العـذاب
واعـجـب مـن اللى يـطـيق يعذب أخوه
عـجبى !!


أنا قـلبى كان شخشيخة أصـبح جـرس
جلجلت بـه صـحيوا الخـدم والحـرس
أنـا المـهرج . . قمتو ليـه خفتو ليـه
لاف إيدى سـيف ولا تحت مـنى فـرس
عـجبى !!


انـا الذى عشـت الزمن مضـيعة
بـروح حـزينة معـفنة مضعضعه
زرعت شـجرة سـنط لجل انجرح
لقيتهـا شـعر البنت ومفـرعـه
عـجبى !!


انا الذى عمـرى اشـتياق فى اشـتياق
وقطـر داخـل فـى محطـة فــراق
قصـدت نبـع السـم وشـربت سـم
مـن كتر شـوقى وعشـمى فى الترياق
عـجبى !!


أنا اللى بالأمــر المحــال اغتـوى
شـفت القمـر نطـيت لفوق فى الهوا
طـلته مـا طـلتوش إيه انـا يهمنـى
وليـه … ما دام بالنشـوة قلبـى ارتوى
عـجبى !!


أنـا إلـه الـوجــد رب الـهيــام
أضـرب بسـهم الوهـم وهــم الغـرام
وهــم الغــرام مـن كتر مـا هو لذيذ
رشـقت انـا ف صـدرى جمـيع السـهام
عـجبى !!

أنا قلبـى كـورة
أنا قلبـى كـورة . . والفـراودة أكـم
يـامـا اتنطـح وانشـاط .. وياما اتعكم
واقـول له كـل ح ينتهى فى المعـاد
يقـول بسـاعتك ؟ والا سـاعة الحكم ؟
عـجبى !!


أنا قلبى كـوكب وانطلق فى المـدار
حواليـكى يا محـبوبتى يا نور ونار
يلف مـهمـا يـلف مـابيكـتفيش
وتمـللى نصـه ليل ونصـه نـهار
عـجبى !!


أنا قلت كلمـة وكان لهـا مـعنيين
كمـا بطـن واحـده وتـوأمين زيـن
وشـينلو دنيا شـر . . التوأم الخير يموت
لو دنيا خير . . الشـر ح يعيش مـنين ؟
عـجبى !!


أنا كانلـى أب . وكـان رئيس محكمة
سـتين سـنة . فى قضية واحدة اترمى
سـتين سـنة وطـلع بـراءة وخـرج
يشـكى الحياة والمـوت لـرب السـما
عـجبى !!


أنـا كنت شـىء وصـبحت شىء ثم شىء
شـوف ربـنـا . . قـادر علـى كـل شىء
هـز الشـجر شـواشيـه ووشـوشنى قال :
لابد مـا يمـوت شـىء عشـان يحيا شىء
عـجبى !!


إنسـان أيـا إنسـان مـا أجـهـلك
مـا أتفهـك فى الكـون ومـا أضـألـك
شمس وقـمـر وسـدوم ومـلايين نجـوم
وفـاكرهـا يـا مـوهـوم مخلوقـه لـك ؟
عـجبى !!


إنشـد يـا قلبـى غنــوتك للجـمـال
وارقص فى صـدرى من اليمين للشـمال
مـا هـوش بعيـد تفضـل لبكره سـعيد
ده كـل يـوم فيـه ألف ألف احتمـال
عـجبى !!


آه لـو أنا ومحبـوبى جـزنا الفضـى
فـى سـفينة وحـدينا . . وأشـيا رضا
سـاعة صـفا تعجبنـا نرجـع لـهـا
والهـم قبـل ما ييجى … يبقى مضى
عـجبى !!


أهوى الهـوى وهمس الهوى فى العيـون
وبسـمة المغـرم . ودمـعـه الحنــون
وزلــزلات الحــب نهــد الصــبا
اكـون أنـا المــحبوب . أو لا أكـون
عـجبى !!


أوصـيك يا إبنـى بالقمــر والزهـور
أوصـيلك بـليل القاهـرة المســحور
وإن جـيت فى بالك .. إشـترى عقـد فل
لأى سـمرا … وقبـرى إوعـك تـزور
عـجبى !!


اوقـات افـوق ويحــل عنـى غبـايا
واشـعر كأنى فـهمت كـل الخبـايـا
وافتـح شـفايفى عشــان أقـول الدرر
مـا أقـولش غير حبة غزل فى الصبايا
عـجبى !!


إيـديا فـى جيوبـى وقلبـى طـرب
سـارح فى غربة بس مش مـغترب
وحـدى لكـين ونسـان وماشـى كده
وبـابتعد … ما اعرفش … أو باقترب
عـجبى !!


إيش تـطلبى يـا نفسـى فـوق كـل ده
حظــك بيضــحك وانـتى متنكـدة
ردت قـالت لـى النفس : قـول للبشـر
مـا يبصـوليش بعيـون حـزينـة كـده
عـجبى !!


إيه اللى خدتـه من مرور السـنين
يا قلبـى الا دمـعتك والأنـيـن
بتئن وبتفــرح وترجــع تحــن
مـع إن مـش كل البشر فرحـانين
عـجبى !!


أيـوب رمـاه الـبـين بـكـل الــعلل
سـبع سـنين مـرضان وعـنـده شـلل
الصـبر طيـب . . صـبر أيـوب شـفـاه
بـس الأكـاده مـات بـفـعل الـمـلل
عـجبى !!

الرجوع الى أعلى الصفحة اذهب الى الأسفل
MOHAMED
المدير العام
المدير العام
avatar

ذكر
عدد الرسائل : 629
تاريخ التسجيل : 21/01/2009

مُساهمةموضوع: اااااااااااااااااااااااالف شكرررررررررررررررر   6th فبراير 2009, 7:59 am

الف شكر يا عصفورة المنتدى يازهره الحدائق يابسمه القلب يا توتا


الرجوع الى أعلى الصفحة اذهب الى الأسفل
http://alahbafealah.alafdal.net
ملك روحى
المدير العام
المدير العام
avatar

انثى
عدد الرسائل : 332
العمر : 27
تاريخ التسجيل : 21/01/2009

مُساهمةموضوع: الف شكر   7th فبراير 2009, 6:34 pm

الرجوع الى أعلى الصفحة اذهب الى الأسفل
Eslam
المدير العام
المدير العام
avatar

ذكر
عدد الرسائل : 532
العمر : 27
تاريخ التسجيل : 21/01/2009

مُساهمةموضوع: رد: همس القلم   8th فبراير 2009, 8:09 am

الرجوع الى أعلى الصفحة اذهب الى الأسفل
http://alahbafealah.alafdal.net/
 
همس القلم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
**::(((ملتقى الاحبه فى الله)))::** :: قصايد الشعر-
انتقل الى: