مين اللى سرق البرتقال؟؟؟ ادخل بسرعه وشوف مين

اهلا بيكم ازيكم يا جماعة ,,

طبعا كلكم عارفين المفتش كرومبو













وعارفين مجهوداته الجبارة لكشف الحقيقة ومعرفة مين السارق

احنا بقى هنعمل حلقات زي حلقات المفتش كرومبو وهتبقى على اعضاء المنتدى

واللي يعرف مين اللي سرق يقول , وفي الاخر هنشوف اجابة مين اللي صح

ودي قوانين اللعبة :

1-هيكون في حلقة كل 3 ايام وكل حلقة فيها 3مشتبه فيهم

من الاعضاء ومطلوب انك تعرف مين هو اللي سرق

2- التلاتة المشتبه فيهم ممنوع عليهم الرد لحد اعلان نتيجة الحلقة

3-وهنحدد الفايز عن طريق تجميع نقاط للاجابات الصحيحة كل حلقه
10 نقاط للاول
7 نقاط للثاني
5 نقاط للثالث

واول واحد هيجمع 100 نقطة هيكون هو الفائز

4-جائزة الفائز هتكون وسام للفائز يتضاف ليه في توقيعه بأسم المسابقة






يلا نبدأ

النهاردة حصلت حاجه كوميدى خالص
((( محمد المدير بتاعنا))) إشترى 2كيلو برتقال عشان عنده شويه برد

ولما وصل بيهم لباب العماره افتكر انه نسى يشترى كيلو لبن وكان واقف امام باب العماره على الرصيف التانى 3 من اعضاء المنتدى ؟؟؟

الاول اسلام) :اللى كان واقف بيسمع فى الام بى 3 اغنيه ريمكس

التانى( توتا)اللى كانت واقفه بتبيع بوسترات لتامر حسنى

التالت( ملك روحي )واللى كانت بتشرب عصير قصب فى المحل الى قدام العماره

((محمد)) ساب كيس البرتقال جنب باب العماره ورجع عشان يشترى اللبن

ولما اشترى اللبن ورجع ملقاش كيس البرتقال

ولما سالت التلاته اذا كان حد فيهم شاف كيس البرتقال بتاع محمد البيه المدير

(اسلام) قال اف..بجد حاجه مش ممكن كيس برتقال ايه وبتاع ايه..يعنى ينفع كده تخرجنى من المود بتاع الاغنيه..بجد حاجه لا تطاق..ال برتقال ال.

(توتـــــــا )هع هع .. برتقال ايه الى انت جاى تقول عليه وواجع دماغنا عشان شويه 2 كيلو برتقال ..لو لاقيته هات واحده..هع هع

(ملك روحي )لا انا مشوفتش اى اكياس برتقال خالص انا واقفه بشرب فى العصير حتى لسه مخلصتوش.. تاخد شويه.

....

فطبعا السيد البيه مدير المنتدى الحبيب جرى عليا واتصل بيا

وقالى الحقنى ...انا اتسرق منى كيس برتقاال

وانا مش عارف مين اللى سرقه

بس انا عرفت

لو انت كمان عرفت

اتصل على الرقم ده

زيرو اربع اصفار صفرين زيرو

وابقى قابلنى لو كسبت حاجه..

سيتم اعلان نتيجة الحلقة بعد 3 ايام من تاريخ نزول الحلقة

اللي اخد البرتقال هي توتا ليه بس ياتوتا
علشان ايه اللي عرفها انهم كانوا 2 كيلو برتقال يارب تكون اجابتي صح وحلوة الفكرة يا رحمه بجد رائعه

هى توتا علشان عرفت منين انهم 2كيلو