موقف محرج
ندى
مرة كنت فى رحلة للعين السخنة كنت واقفة على الشط وكنت بخلى بالى من اخويا الصغير واولاد صحاب ماما وهما بيعوموا وبعدين كانت ماما لقت فى البحر نضارة شمس شيك اوى قعدت ادور على صاحبها على الشط بس ملقتش حد المهم قلت خلاص حلال عليا ولبستها واترسمت بيها اوى وقعدت اكلم العيال اللى كنت بخلى بالى منهم بفزلكة والاطة وبس يا بنت وهس يا ولد رافعةراسى اوى وفجاة لقيت واحد شيك اوى جاى نحيتى قلت فى نفسى النضارة الجديدة بدات تعمل شغل وفجاة قرب عليا ولقيته بيكلمنى وبيقول لو سمحتى هو انتى لقيتى النضارة دى فين قلعتها وادتهاله وانكسفت اوى وكان نفسى البحر يبلعنى من الكسوف وبقيت قاعدة على الشط مكسوفة وبدعى وبقول يارب النهار يخلص والاتوبيس يجى عشان نروح
